Златен медалјон на аукција за реновирање на Нотр Дам

Златен медалјон, искован во 1864 година, ќе се најде на аукција во Париз. Собраните пари ќе бидат искористени за обнова на катедралата Норт Дам, која беше погодена од голем пожар на 15 април. Досега се собрани околу една милијарда евра преку фондацијата „Нотр Дам“ и другите институции.

Златниот медалјон тежи 280 грама и направен е да ја одбележи реставрацијата на катедралата во втората половина на 19 век. Предниот дел ја прикажува западната фасада на катедралата, со Богородица и детето.

“Најважната реставрација на катедралата низ целата нејзина историја, онаа што се памети, беше за време на владеењето на царот Наполеон Трети. Архитектите Виоле Ле Дјук, кој се смета за најголем господар во своето време, му го довери на императорот завршувањето на работите што траеа 15 години. Монархот за да покаже благодарност при завршувањето на реновирањето на архитектот му понудил медаљон. Тој симболизира реконструкција, а во денешниот контекст станува симбол на целиот свет“, објаснува нумизматичарот Алан Барон.

Познатата катедрала била тешко оштетена за време на Француската револуција, па затоа требало да се обнови во втората половина на 19 век. Сега, реставрацијата е исто така голема работа.

“Заради реновирање на катедралата, сите се надеваме дека работата ќе напредува брзо и ќе се заврши што е можно поскоро, дека сите ќе вложат напори и ќе учествуваат во процесот“, рече Барон.

Златниот медалјон се проценува на околу 50 илјади долари, а провизијата по аукцијата ќе изнесува неколку илјади евра.

“Секое евро е важно затоа што не знаеме колку пари ќе бидат потребни на крајот за обнова на катедралата. Иако бизнисмените Арно и Пино дадоа заедно 300 милиони евра, што се огромни пари, јас сум горд и допрен од заложбите на многу обични, семејства кои не заработуваат многу, а кои испраќале чекови од 10, 20 или 30 евра“, рече извршниот директор на Фондацијата „Нотр Дам“, Кристоф Росело.

Француските власти проценија дека реконструкцијата на пожарот на катедралата ќе трае пет години, но експертите не се согласуваат – тие веруваат дека ќе трае повеќе време.