Чувство на пространост во 28 метри квадратни

Становите што се наоѓаат во близина на некоја водна површина, секогаш како додаток на својот внатрешен дизајн имаат и одличен пејзаж врамен во нивните прозорци.

Овој стан е компактен но целосно удобен, а зазема скромни 28 метри квадратни. Дизајниран е од страна на Ирина Овсиаников за потребите на млад брачен пар. Станот со спектакуларен поглед кон брегот претрпел одредени промени, со цел да се адаптира на потребите на корисниците.

Па така, од него се отстранети некои преградни ѕидови за да се подобри чувството на пространост, но и со цел погледот од прозорците кон прекрасниот пејзаж да биде видлив од секој агол на станот.

Свежите и живи бои само придонесуваат за надополнување на пријатниот и забавен амбиент кој во текот на летото на корисниците им овозможува незаборавно поминато време.