Жителите на Карпош бараат зонско паркирање

Градоначалникот на Општина Карпош, Стефан Богоев во изјава за „Слободен печат“ вели дека во општината дошла иницијативата за зонско паркирање од граѓаните на Карпош 1 и Карпош 2.

„Повеќе стотици потписи дојдоа до мене а исто така има испратено и до ЈП „Градски паркинг“. Граѓаните бараат да се регулира паркингот за да може полесно да најдат место во околината на нивните домови. Претпоставувам дека една од причините поради кое е е дојдено ова е бидејќи „Рузвелтова“ е граница помеѓу општина Карпош и општина Центар, но исто така помеѓу платен и бесплатен паркинг. Па така имате луѓе кои работат во ПУИК, во поранешното СЈО, во Зоолошка, кои се наоѓаат во општина Центар а сепак паркираат од страна на Карпош, бидејќи паркингот е бесплатен“ – констатира Богоев.

Тој додаде дека во Карпош 2 проблемот се создава кај поранешно МИ-ДА, делумно поради луѓе кои работат а не живеат таму, но и поради студенти кои доаѓаат со нивните возила.

Ние би додале и поради лошто и нестручно урбанистичко планирање, сведено само на квадратни метри, без планирање на сите неопходни содржини кои треба да се предвидат, како што е и овозможување соодветен број паркинг места.

Анкетирањето на граѓаните од Карпош 1 и 2 ќе започне од среда.