Порта3 – градежништво, архитектура и екологија Порта3 – градежништво, архитектура и екологија
Проектната и тендерската документација за изградба на пругата Кичево- Лин е готова и за неа се потрошени 7,7 милиони евра.
Евроамбасадорот Семуел Жбогер изјави дека ЕУ дава значење на овој проект со кој ќе се доградат деловите што недостасуваат за трансевропската транспортна мрежа. Со оваа железничка линија, Македонија се поврзува со пристаништето во Драч. Пругата е во должина од 63 километри.
За изградба на пругата од меѓународни кредитори ќе се бараат потребните 500 милиони евра. Министерот за транспорт и врски Сугарески апелира до ЕУ да ја поддржат реализацијата на овој клучен проект.
За изградбата на пругата од Кичево до границата со Албанија и до изградбата на пругата кон Бугарија, е поставен рок до 2025 година.
Изградбата на делницата Куманово – Бељаковце ќе биде завршена до 2019 година. Идната година ќе треба да почне изградбата на делницата од Бељаковце до Крива Паланка. Железничката линија на Коридорот 8 е со должина од 315 километри.
