Железнички коридор „Алпина-Западен Балкан“ без Македонија

Со потпишувањето на Меморандум за разбирање, Австрија, Словенија, Хрватска, Бугарија и Србија се изјаснија за воспоставување на нов европски железнички коридор. Коридорот „Алпина-Западен Балкан“ ќе опфаќа два желенички правци од Австрија. Еден од Салцбург, преку Филах и Љубљана до Загреб, а вториот од Велс и Линц, преку Грац и Марибор до Загреб. Австрискиот министер за инфраструктура Алојз Штегер оцени дека овој коридор ќе затвори значајна „дупка“ во сообраќајот кон југоисточна Европа. – Со тоа го јакнеме пренасочувањето на товарот на пругите, потенцира тој.