Порта3 – градежништво, архитектура и екологија Порта3 – градежништво, архитектура и екологија
Зградата на Владата ќе се затвори со ограда. Владината служба за општи и заеднички работи, која управува со тендерските постапки, распиша деновиве оглас на кој се бара фирма која ќе ги изведе „градежните и градежно-занаетчиските работи за оградување на објектот“.
Заинтересираните своите понуди треба да ги достават најдоцна до 21.01. 2015 година до 10 часот, кога ќе се спроведе јавното отворање. Градежните активности според информациите би требало да започнат во февруари-март оваа година.
За оваа намена ќе се потрошат 690.000 евра, со што ќе се зголеми вкупната сума потрошена за реновирање на владиниот објект во барокен стил. До сега, реновирањето на зградата на Владата чини 16 милиони евра. Владината зграда откако е изградена, никогаш досега немала ограда или некаква друга заштита.
