Зграда со ѕвезда за поубава панорама на Мелбурн

Многу висока станбена кула во Мелбурн е единствена во панорамата на градот бидејќи се одликува со ѕвезда поставена некаде на две третини од нејзината висина, која излегува на шест метри од главната структура. Оваа златна ознака е инспирирана од ѕвездата на Комонвелтот на австралиското знаме. „Australia 108“ и се искачува на 319 метри, а се карактеризира со стаклена фасада. Неверојатната висина не го донесе овој облакодер на највисокото место во овој дел на светот и јужната хемисфера според стандардите на CTBUH, меѓутоа, без оглед на тоа, зградата е уникатна и волшебна по изглед.

Дека станува збор за проект од голем обем, покажува и фактот дека само за земјени работи биле потребни дванаесет месеци. Над 200 столбови до 46 метри се забодени во земја за да се обезбеди структурна стабилност. Судејќи според изведувачот, градежната компанија Мултиплекс, биле ангажирани вкупно 3.252 работници.

Фасадата се состои од 14.854 стаклени панели и на неа можат да се забележат бели „ленти“, кои ја осветлуваат ноќе, па изгледа како да е прошарана со линии. Скулпторските форми, отворени дење, се видливи ноќе, а хоризонталните ленти се осветлени. Тие се поставени да формираат шаблони и да го следат „Starbust“, кој се појавува ноќе како блескава ѕвезда. Златно обоената ѕвезда што е вградена и претставува дел од фасадата се состои од 24 префабрикувани решетки. Задржана е и постојната фасада на приземјето, која има историска вредност. На десет спрата над него има паркинг покриен со палми и дрвја. Зеленилото е засадено и од надворешната страна на приземјето.

100-катната кула вклучува лоби на приземјето, паркинг простор на горните катови и вкупно 1.105 апартмани. Станбените единици се движат од една спална соба до пространи апартмани со повеќе нивоа и мезонети. Внатрешноста е опремена со кадифен мебел, а луксузни материјали се користени и за други елементи. Во рамките на зградата има објекти како што се два „бесконечни“ базени, салони, простории за состаноци, трпезарии, театри, две спортски сали и вертикална „рајска“ градина. Цената е вистинска ситница, така што за оние поскромни квадратни метри треба да се одвои 470 илјади австралиски долари, додека поголем стан на 97-ти кат чини над 5,5 милиони австралиски долари.