Зголемени трошоците во градежништвото за изградба на куќи

Во вториот квартал во споредба со првиот квартал годинава трошоците во градежништвото за нови објекти за индивидуално домување се повисоки за два процента, за материјали за 1,3 проценти, а трошоците за вработените за 3,5 проценти.

Како што објави денеска Државниот завод за статистика, во вториот квартал годинава, во споредба со вториот квартал лани, трошоците во градежништвото за нови објекти за индивидуално домување се пониски за 2,7 проценти и за 5,5 проценти за материјали, а се повисоки за 4,9 проценти трошоците за вработените.