Земја на скршени ветувања: Фотографии кои сведочат за СССР – земјата која веќе не постои

Од овие фотографии тишината одекнува. Ѕидовите на разрушените згради се прекриени со мов. Иако Советскиот Сојуз се распадна пред триесет години, интересот за објектите и приказните од зад „железната завеса“ не стивнува и денес.

Истражувачот и фотограф Terence Abela минал една деценија на терен, документирајќи ги напуштените советски згради. Некогаш тие биле гордост, а денес срам за новите држави – поради политиката која ги создала и/или поради политиката која денес не се грижи за нив. Се поголем е бројот на луѓето љубопитни за изгледот на напуштените згради, кои некогаш служеле како касарни, сиропиталишта или сл., старите трафостаници, монументалните споменици на револуцијата, а со цел подобро да го разберат животот на еден народ и една земја во тогашниот историски момент.