Зелената економија се изедначи со фосилните горива

Дефиницијата за „зелената економија“, од страна на UNEP (United Nations Environment Programme) гласи: “Економија чии резултати доведуваат до подобрување на благосостојбата на човекот и социјална еднаквост, додека значително ги намалува ризиците по животната средина“. Светската зелена економија , споед групата FTSE Russel, која се занимава со статистика на светскиот пазар, сега има вкупен пазарен удел сличен на оној на секторот фосилни горива. Организацијата на берзантски индекси вели дека одржливата економија расте за разлика од секторот фосилни горива кој опаѓа. Според оваа организација, ако се продолжи со моменталните трендови, до 2030 година зелената економија ќе сочинува 7% од глобалната пазарна капитализација.