Завршена изградбата на ветерната електрана „Бајгора“ во Косово од 102,6MW

Германската компанија Notus Energy, ја заврши изградбата на ветерната електрана од 102,6MW кај селото Бајгора. Ова е најголемата ветерна електрана досега во Косово. Има вкупно 27 турбини од производителот General Electric, и веќе испорачува електрична енергија на мрежа. Проектот е реализиран од страна на SoWi Kosovo, заедничка компанија на израелската Elight Renewable Energy со германски и косовски партнери.

Изградбата на оваа електрана на територијата ан Општина Митровица, е поддржано од страна на Европската банка за обнова и развој  (EBRD) со кредит од 58 милиони евра, а во финансирањето учествувале и австриската Erste Bank и словенечката NLB. Планираното годишно производство на ветерната електрана е 320GWh, а централата е проектирана на експлоатациски век од 25 години.