Започнува изградбата на мостот преку Сава, кој ќе ги поврзува БиХ и Хрватска

Минатата седмица свечено беше обележан почетокот на изградбата на мостот на реката Сава, кој ќе ги поврзува Хрватска и Босна и Херцеговина. ЕУ го финансира овој проект со 6,8 милиони евра неповратни средства, а обезбеден е и кредит од Европската Инвестициска банка. Во финансирањето учествиваат и двете земји. Овој проект е дел од пошироката инфраструктурна инвестиција на ЕУ во износ од 38,4 милиони евра, која опфаќа и изградба на граничен премин на делницата на автопатот Бања Лука – Градишка. Проектот е важен чекор кон интеграцијата на регионот на Западен Балкан во рамките на Агендата на поврзување која ЕУ ја има покренато во 2015 година, и е во согласност со Стратегијата на Европската комисија за Западен Балкан.