Заха Хадид ќе ја проектира зградата на парламентот во Багдад

Британската архитектка со ирачко потекло е избрана за проектант на зградата на ирачкиот парламент, токму во родниот град. Инвестицијата вредна 630 милиони фунти, ќе се простира на површина од 20 хектари во Западен Багдад, на локација на која претходно Садам Хусеин започнал да гради џамија. Во 2010 година на Хадид и е доверен проектот за дирекцијата на Централната банка на Ирак, а се зборува дека е најсериозен кандидат за проектант на Националниот музеј на Ирак.