Zaha Hadid Architects во Пекинг создадоа доживување кое ја обликува перцепцијата за просторот и иднината

Zaha Hadid Architects работеа на спектакуларниот Главен меѓународен изложбен центар (CIECC) во областа Шунји во Пекинг, внесувајќи нова димензија на футуристичката естетика и функционалноста на современите конгресни простори.

Овој грандиозен комплекс е проектиран да ги задоволи растечките потреби на градот и владата за одржување меѓународни конференции и настани, а неговиот дизајн комбинира елегантни архитектонски форми со иновативни конструктивни решенија.

CIECC го прошири постојниот изложбен простор во Пекинг на над 611.000 квадратни метри. Обезбедени се девет нови изложбени сали, три сали за прием, конференциски центар за 9.000 делегати и хотел со 410 соби. Модуларното производство и конструкција на CIECC го минимизираа времето за развој на центарот, инвестициските и оперативните трошоци.

Како водечки центар за трговија, култура и влада, Пекинг забележа значителен раст во градските услужни и дигитални технологии. Ова континуирано проширување на корпоративните сектори во Пекинг ја зголеми побарувачката на градот да биде домаќин на конвенции, меѓународни конференции и индустриски изложби на кои присуствуваат делегати од цела Кина и од целиот свет.

Оваа архитектонска икона, обложена со алуминиумски панели во топли бакарни тонови, е прогласена за „најголем и најмодерен изложбен и конгресен центар во Пекинг“ од самиот тим на Zaha Hadid Architects. Во урбаниот пејзаж доминира импозантната силуета, додека флуидните линии и динамичните форми создаваат хармоничен дијалог помеѓу ентериерот и екстериерот.

Внатрешниот двор, кој го складно се нижат функционалните единици. Мостовите во вид на ленти, кои лебдат над дворот, ги поврзуваат повисоките нивоа на зобјектот и додаваат дополнителна сложеност на архитектонската композиција. Овие динамични структури не само што овозможуваат непречена циркулација на посетителите, туку и симболично ги „преплетуваат“ сите функционални делови на комплексот во еден кохерентен „организам“.

Изложбениот центар вклучува девет пространи сали, три луксузни простории за прием, модерен конференциски центар и ексклузивен хотел за гости и учесници на настаните. Четири правоаголни изложбени сали се наоѓаат на едната страна од дворот, додека пет се распоредени на спротивната страна, создавајќи визуелна рамнотежа и функционална хармонија.

Главниот влез, истакнат со монументален лак, се наоѓа на источното фасадно крило и води во простран вестибил, која се отвора кон централниот двор. На северната страна на комплексот се наоѓаат хотелот и конференцискиот центар, кои се поврзани со изложбените области преку елегантни, покриени мостови.

Со цел да се обезбеди максимална ефикасност за време на настаните, центарот е проектиран со три целосно одделни логистички рути – за посетители, стоки и транспорт. Овој иновативен концепт го елиминира метежот и овозможува непречен проток на луѓе и материјали, дури и за време на најзахтевните настани.

Еден од најимпресивните аспекти на проектот е лесната кровна конструкција, која овозможува создавање внатрешни простори без столбови. Оваа архитектонска иновација дава неограничени можности за прилагодување на ентериерот, во зависност од потребите на организаторот на настанот.

„Благодарение на композитниот систем на кровни панели со симетрична геометрија, успеавме да создадеме пространа, самоносечка структура која овозможува максимална флексибилност при организирање настани“, истакнаа претставниците на Zaha Hadid Architects.

Овој велелепен центар не е само функционално ремек дело, туку и уметничка интерпретација на архитектурата на 21 век. Комбинацијата на напредни материјали, органска форма и иновативни технички решенија поставува нови стандарди во проектирањето простори наменети за големи настани. Неговата способност да се прилагодува на различни сценарија на користење, со истовремено зачувувње на препознатлив визуелен идентитет, го прави еден од најамбициозните архитектонски проекти на современиот Пекинг.

Со овој проект, Zaha Hadid Architects уште еднаш докажа дека архитектурата може да биде повеќе од просторна организација – таа станува искуство, визија и естетско доживување кое ја обликува нашата перцепција за просторот и иднината.