YAC – конкурс „Пластичен споменик“

YAC (Young Architects Competitions) е меѓународна мрежа која од 2013 година организира бројни натпреварувања на идеи со цел, поттикнување и ширење на талентот на младите архитекти и дизајнери ширум светот. Најновиот конкурс „Пластичен споменик“ (Plastic Monument) е организиран во соработка со National Geographic. Овој конкурс има за цел дизајнирање на пловечка инсталација за подигнување на свеста за негативното влијание на пластичниот отпад врз нашата планета.

Вкупниот износ на паричните награди е 15.000 €, а прворангираниот проект ќе се реализира. Жирито кое ќе ги оценува трудовите е составено од истакнати меѓународни личности како што се Kengo Kuma, Carlo Ratti, Italo Rota, Mandy Barker, Maria Cristina Finucci и други.
Крајниот рок на конкурсот е 10 јули 2019.