Willis Tower ќе се реновира со буџет од 500 милиони УСД

Еден од најпрепознатливите облакодери на САД, Willis Tower (поранешно Sears Tower), е подготвен за реконструкција од 500 милиони УСД според проектот на Чикашкото студио на Gensler.

Проектот ќе го трансформира и ревитализира 43 години стариот објект, кој речиси 25 години го имаше епитетот највисока зграда на светот. Во фокусот на реконструкцијата, која ќе додаде и многу нови содржини (ресторани, кафетерии и сл.), ќе биде и изградба на нова трикатна конструкција од стакло над постоечкиот влез, како и зимска градина на покривот од 110-катницата. Изведбените работи ќе стартуваат кон крајот на месецов.