Возење со електромобил низ Скопје за 50 денари

Билетот за возење со електромобил по скопските улици ќе чини 50 денари. Ценовникот вчера беше усвоен од Советот на Скопје, но граѓаните ќе мора да почекаат тие да бидат официјално промовирани од Јавното претпријатие „Градски паркинг“.
Петте електромобили, кои ќе служат за туристички прошетки, веќе се пристигнати. Договорот за нивна набавка „Градски паркинг“ го склучи со фирмата „Хипнел“, а едно возило чини 11.420 евра. Апаратот за полнење на акумулаторите со струја е во рамките на катната гаража „Свети Kирил и Методиј“.
Возилата ќе имаат обучен возач, кој во исто време ќе биде и туристички водич. Почетната станица е Порта Македонија, а турата ќе се одвива по улицата Македонија и во реонот на Мал ринг.