Тулата како „слатка мака“ во дизајнирањето на ентериери

Тулата е несомнено топол, убав и навистина „безвременски“ материјал. Сопствениците што имаат среќа во нивниот дом да има ѕидови обложени со полна тула, имаат и „слатки маки“, па така нивната задача е да изнајдат решение со кое, со употреба на одредени бои, текстури и слики, ќе придонесат за оживување и освежување на нивниот простор.

Овој дом освен полната тула, во себе содржи големи бели површини со што се создава контраст помеѓу овие две спротивставени површини.

Употребувани се голем број природни материјали, како дрво, текстил, тула, метал и слично, кои во комбинација одлично си одговараат.

Како акцент во просторот се наоѓа столицата „Јајце“ и табуретката во портокалова боја, кои се поставени во близина на домашната библиотека и создаваат еден одличен простор во рамките на овој дом.