Во среда 36. изложба „Студентска графика – Драгутин Аврамовски-Гуте“

Во галеријата на Факултетот за ликовни уметности во Скопје (објект Педагошки факултет) на 10. мај, среда во 19.30 часот ќе биде отворена 36. изложба „Студентска графика – Драгутин Аврамовски-Гуте“. Ќе учествуваат студенти на катедрите по графика и по ликовна педагогија – насока графика. На отвoрањето ќе бидат доделени три награди на најдобрите студенти на графичкиот оддел.

Фондацијата „Драгутин Аврамовски-Гуте“ ја доделува наградата од 1988 година, кога за прв пат постхумно е доделена во чест на професорот, еден од основачите на Катедрата по графика.

Дизајн на плакат: Сара Митковска