Во Париз се гради станбен блок прекриен со билки

Станбената кула со зелена фасада во Париз, која е проектирана од локалната фирма Maison Edouard François, е специфична по тоа што фасадата содржи билки и, меѓу другото, има за цел да овозможи расејување на нивното семе низ градот.

Компанијата Maison Edouard François го проектира т.н. „M6B2 Tower of Biodiversity“ за да покаже дека и висококатниците можат да користат во создавањето на еколошки градови со многу растителни видови.

Кулата е висока 50 метри, има 16 ката и фасада со двоен слој. Надворешниот слој е направен од мрежа од нерѓосувачки челик која има улога на рамка по која можат да ползат билките. Поради решеткастата ограда билките се изложени на ветер, кој овозможува ширење на семињата низ градот. Внатрешниот слој е прекриен со рециклирани титаниумски зелени панели, кои светат под влијание на сонцето.

Неговата зелена боја треба да асоцира на мов. Мрежата се протега и преку покривот на зградата каде се наоѓа прекрасна градина. Целиот комплекс, освен кулата, го сочинуваат и три помали станбени згради, расадник и продажен центар за билките и јавен парк помеѓу нив. Се планира во наредните години да се посадат четинари и дабови дрвја.