Во парискиот „Риц“ ќе се отвора Шанел спа центар

Славната модна куќа „Шанел“ ја потврди веста дека во рамките на хотелот „Риц“ во Париз ќе отвори свој Шанел спа центар. Првиот спа центар на француската модна куќа ќе го носи името Chanel au Ritz Paris, и ќе се наоѓа во рамките на луксузниот апартман „Коко Шанел“ во кој Коко живеела 34 години.

Сите третмани што ќе се нудат во овој спа храм ќе го одразуваат духот и естетиката на легендарната модна куќа. Точниот датум на отворање на Chanel au Ritz Paris се уште не е познат.