Во Ниш архитектите добиваат катче за дружење и работа

Во Ниш архитектите конечно ќе добијат свое катче за дружење и работа – повеќенаменски простор наречен Архитектонска работилница.

Објектот кој ќе се гради на површина од 340 квадратни метри е проект на Мирко Станимировиќ, Немања Ранѓеловиќ и Вукашин Васиќ, тројца архитекти од Ниш кои, како што велат, „нашле заеднички пат во архитектурата“.

„Дефинитивно ни беше потребен простор за работа и место каде би можеле да организираме работилници за студенти по архитектура“, напоменуваат авторите додавајќи: „Долгогодишното искуство во образованието покажа дека практичните наставни методи се од големо значење за учениците, за разлика од системот за меморија што го бараат повеќето наставници. Од таа причина, моравме да проектираме објект кој е и рентабилен и кој ги задоволува потребите на тимската работа“.

Како што истакнуваат, нивна желба била да се изгради простор за дружење и работа на периферијата на градот, далеку од вообичаените рамки на архитектонските бироа.

„Формиравме флексибилен, повеќенаменски простор во форма на отворена канцеларија, која може да се претвори во галерија, конференциска сала за семинари или простор за одржување на архитектонски работилници“, велат архитектите.

Почетната точка на обликувањето била црна кутија која, според нишките архитекти, по анализата на интровертноста и екстровертноста на функционалните целини, резултирала со борба помеѓу црната и стаклената призматична форма.

Функционално, објектот е поделен на два дела, поделени по катови. На приземјето е проектиран повеќенаменски простор со придружни содржини во вид на влезен хол и чајна кујна. Во подрумот се позиционирани тоалети и, што е особено интересно, простор за опрема за копање криптовалути.

Подрумот на објектот е проектиран во армирано бетонски ѕидови со армирано бетонска меѓукатна конструкција, додека приземјето е формирано од префабрикувана челична конструкција со фасадни термоизолациони панели.

Едноставност на формата и функцијата

Најголемиот предизвик во проектот, велат авторите, бил да се негираат отворите на „затворените“ кубуси на зградата. Така, преку стаклените портали се проектирни брисолеи во иста материјализација како и фасадата на објектот.

Работилницата е позиционирана на север и со тоа затворена во правец на сончевите зраци, што овозможува непречена работа во работилницата и обезбедува заштита од сонце.

А на прашањето која е специфичноста на објектот, односно која е неговата оригиналност, архитектите спремно одговараат: „Едноставност и редукција на формата и функцијата која се стреми да создаде беспредметна уметност“.

Почетокот на изградбата на објектот е планиран за есен 2022 година.