Во Московскиот Кремљ ремек дела на рускиот емајл

Во Московскиот Кремљ (9. октомври – 10. јануари 2021) во тек е изложба на која се претставени околу четиристотини дела од благороден метал со емајл изработени од руски фирми за накит од крајот на 19. и почетокот на 20 век кои се дел од јавни и приватни колекции во Русија и Велика Британија.

На крајот на 19. и почетокот на 20. век, руските благородници обожавале шарени предмети направени со емајл техника.

Јадрото на изложбата се бројните производи на познатиот московски „емајлист“ Фјодор Рјукерт (1851–1918) и светски познатата дворска фирма предводена од Карл Фаберже (1846–1920), претежно од нејзината московска филијала, позната по своите дела во стилот на националниот романтизам. Како и на компаниите на Павел Овчинков, Иван Хлебњиков и други.

На крајот на 19. век, во кругот на царското семејство и богатото благородништво мошне популарни биле скапоцени предмети со цветни елементи со фина изработка и шарени бајковити мотиви.

Предметите покрај тоа што биле изработувани од благородни метали и обоени скапоцени камења, популарни биле и декоративни шари на метал направени со емајл техника. Руските јувелири го усовршиле овој занает користејќи комплицирани техники на емајл (клаузон, шамплев, луминисцентна техника). Понекогаш сите три техники се применувале на ист производ.

Велигденско јајце со модел на сибирски воз

Русија, Санкт Петербург, 1900. Фирма К. Фаберже. Занаетчија Михаил Перхин.

Поклон на царот Николај II и царицата Александра Фјодоровна за Велигден 1900 г.

Чаша и чинија

Русија, Москва, околу 1900 година. Фирма на П.Овчинков

Сад со рачка

Русија, Москва, 1899-1908 Фирма на К. Фаберже. Мајстор Ф. Рјукерт

Ова велигденско јајце, царот Николај Втори и го подарил на својата сопруга, царицата Александра Фјодоровна, на Велигден 1906 година. Фирма К. Фаберже.

Кутија за цигари

Русија, Москва, 1875 година Фирмата на И.Хлебњиков

Светилка

Русија, Москва, 1890-ти. Фирмата на П.Овчиников

Ковчеже

Ова е редок случај кога се прикажува битка, (многу почесто се прикажуваат сцени од бајка или секојдневие). Сликар од Василиј Верешчагин „Пред нападот. Кај Плевен “прикажува сцена од руско-турската војна (1877-1878). Фирма К. Фаберже.