Во изградба голема пловечка фотоволтаична електрана

На северот од Велика Британија ќе се гради најголемата европска пловечка фотоволтаична централа, проект на водостопанската компанија United Utilities. Се работи за централа со моќност од  3 MW која се состои од 12.000 фотоволтаични панели распослани на 45.000 квадратни метри површина на резервоар за вода Godley во близина на Manchester. Централата ќе покрие 33% од потребите на компанијата од електрична енергија и ќе служи како заштитна брана од високите цени на електричната енергија. Во Британија постои таква пловечка електрана, но со моќност од само 4 kW. Но, таа не е единствената пловечка електрана во светот. Слични системи веќе се направени во Кина, Индија и Јапонија.