Во Франција само 400 илјади нови станови

На годишно ниво, во периодот од јануари до септември, бројот на изградени станови во Франција е 391.001 станови, што значи дека е намален за 12,5 отсто.

Инаку бројот на издадени градежни дозволи во септември е зголемен, но со помала стапка отколку во претходните месеци. Исто така во пораст е и бројот на започнати градби, објави француското министерство за екологија и одржлив развој.

За периодот јуни – септември, во однос на претходното тримесечје, бројот на издадени градежни дозволи е зголемен за 1,2 насто, а бројот на започнати градби е пораснат за 0,5 насто, пренесе Ројтерс.

Во однос на третиот квартал од минатата година, бројот на започнати градби е опаднат за 11,7 отсто.

Инаку во третиот квартал изградени се 103.221 станови, што е за 3,3 насто повеќе отколку во истиот период лани.