Порта3 – градежништво, архитектура и екологија Порта3 – градежништво, архитектура и екологија
Грчките власти предупредуваат на можни прекини на електрична енергија во екот на летната туристичка сезона. Вработените во јавното електроенергетско претпријатие најавија штрајк поради плановите на владата да продаде делови од оваа компанија. Штрајкот почнува веќе утре и ќе трае 48 часа, а штрајкувачите бараат оваа компанија да остане под државна контрола.
Конзервативната грчка влада нема да се откаже од идејата да продаде делови од оваа компанија и според изјавата на премиерот Андонис Самарас „нема попуштање пред фанатиците на популизмот“. Приватизацијата на јавните претпријатија предизвика бројни реакции, особено на главната опозициска партиjа Сириза.
