Во Бугарија пуштен во работа првиот голем систем за складирање на електрична енергија

Од почетокот на јуни, во бугарскиот град Разлог работи првиот систем за складирање ан електрична енергија од големи размери со батерии. објектот има капацитет од 25 MW/55 MWh и складира енергија од соларна електрана со капацитет од 33 MWp. Проектот е прва инвестиција во систем за складирање на електрична енергија од овој обем во земјата, најголем оперативен систем во Бугарија и еден од најголемите слични проекти во источна Европа. Системот за складирање е во сопственост на компанијата Renalfa IPP.

Renalfa IPP е независен производител на електрична енергија со седиште во Виена, основан како заедничко вложување на Renalfa Solarpro Group GmbH и францускиот Rgreen Invest. Компанијата поседува и развива проекти за соларни електрани и ветерни електрани и системи за складирање на енергија.