Во Британија ќе се гради најголемата когенеративна постројка на биомаса

Во Велика Британија ќе се гради најголемата когенеративна централа на биомаса во светот со инсталирана моќност од  299 MW, која ќе биде во состојба да снабдува со енергија 600.000 домаќинства. Когенерацијата ќе чини 424 милиони фунти и ќе користи пелети од европските и американските шуми со кои одржливо се управува, а ќе ја градат компаниите  Abengoa и Toshiba.

Изведувачите на проектот велат дека изворот на енергија е во согласност со државните правила за субвенционирање. Централата треба да биде готова до мај 2018, а се проценува дека за време на својот експлоатационен век од 30 години ќе ја намали емисијата на стакленички гасови за 32 милиони тони. Енергијата од биомаса во моментот покрива 7% од британските потреби за електрична и топлинска енергија.