Во Белград се одржа самитот Глобално партнерство за вештачка интелигенција

Што му носи вештачката интелигенција на човештвото? Дискусијата за оваа и многу други теми поврзани со развојот и примената на вештачката интелигенција ја водеа претставници на повеќе од 40 земји и истакнати експерти од оваа област во Белград на 3. и 4. декември.

Република Србија, како домаќин на овогодинешниот престижен самит Глобално партнерство за вештачка интелигенција (GPAI), кој заеднички го организираа Владата на Србија и Програмата за развој на Обединетите нации, а со поддршка на претседателот на Србија и Организацијата за економска соработка и развој (OECD), ги собраа водечките светски експерти за вештачка интелигенција, претставници на земјите од GPAI, меѓународни организации, индустриски лидери и претставници на академската заедница.

Целите на овогодинешниот самит беа насочени кон одговорен развој на вештачката интелигенција, како и примена на оваа технологија во корист на целото општество. На самитот се  потпиша Белградска декларација, која се фокусира на споменатите цели. Присуствуваа повеќе од 500 експерти, од кои повеќе од 70 зборуваа на 25 сесии. Меѓу нив беше присутен и Џошуа Бенгио, канадски информатичар, најпознат по својата работа на вештачки невронски мрежи.

„Ресурсите за развој и примена на вештачката интелигенција мора да бидат достапни за широк опсег на луѓе и затоа Република Србија е добар пример, бидејќи капацитетите на нашиот суперкомпјутер во Крагуевац им ги дадовме бесплатно на техничките факултети. институти, научно-технолошки паркови и стартапи во нив, кои работат на различни апликации во сите сфери на општеството“, изјави директорот на Управата за ИТ и е-администрација д-р Михаило Јовановиќ. И доададе: „Самитот е единствена можност за размена на знаења и искуства од ваков вид на глобално ниво“.

Глобалното партнерство за вештачка интелигенција е меѓународна иницијатива основана за да се справи со одговорниот развој и употреба на вештачката интелигенција. Партнерството првпат беше предложено од Канада и Франција на 44-тиот самит на Г7, а официјално беше промовирано во јуни 2020 година. Самитот во Белград е прв откако Организацијата за економска соработка и развој (OECD) стана домаќин на партнерството оваа година.

Србија е копретседавач со таа глобална организација, а следната година ќе претседава со оваа меѓународна организација.