Вински рај под скали

Овој сталак за вино е вграден во просторот под скалите и може да собере над 160 шишиња вино.

Овој оригинален проект се родил од ненаситна желба да се создаде мебел кој совршено се вклопува во речиси секој простор, а тоа е, мебел по мерка. Навикнати сме да гледаме оригинални плакари или полици од такви производители кои паметно го користат секое слободно катче во домот, но оваа винска решетка под скалите навистина претставува уникатна идеја.

Долг околу 230 сантиметри и широк 70 сантиметри, овој вински кабинет наречен Wawe може да издржи до 168 шишиња вино. Ако некогаш сте се запрашале како најдобро да го искористите празниот простор под скалите (а тоа не вклучува монтажа на класични полици или креирање полици за чевли), тогаш оваа вградена витрина е вистинскиот одговор на вашето прашање.

Неговата главна цел е да држи (и презентира) колекција вино во домот, изработен е од американски даб и е совршено прилагоден на дневната соба и трпезаријата. Двојно застаклена, климатизирана и со совршен распоред, оваа витрина има посебни прегради во форма на полумесечина кои се поставени хоризонтално (исто како бранови) и кои служат за држење на шишињата заедно.

Дизајниран да ги задоволи сите потреби и естетски и функционално, овој штанд без сомнение ќе ги направи љубоморни сите посетители.