Елегантна вила на езерото Комо во Италија

Оваа вила се наоѓа на сугестивна локација, езерото Комо во Италија. Вилата своето име го има добиено според истоименото езеро кое покрај својата мистична историја, изобилува со природни убавини и недопрена природа.

Оваа вила, всушност, претставува реконструкција на стар објект кој бил во многу лоша состојба, речиси целосно руиниран и неодржуван. За неговата реконструкција најпрво било потребно да се расчисти шутот околу него, да се отстрани и замени кровот, како и поголемиот дел од завршната обработка на објектот.

Освежувајќи го и реконструирајќи го овој објект, архитектите од италијанското архитектонско Studio Marco Piva успеале да направат еден објект кој е целосно посветен на уживањето и комодитетот на корисниците.

Одличните погледи кои се пружаат кон езерото Комо се овозможуваат од големите застаклени површини кои се насочени токму кон него.

Клучниот концепт на архитектите е да се развие континуитет помеѓу формалната структура и опкружувањето со привилегирање на светлите бои и природните материјали кои се во склад со околните зелени површини. Сето ова придонесува за пријатен, удобен и елегантен впечаток на овој објект во целина.