Викендица во која од кревет може да уживате во Северната светлина (Аurora borealis)

Во пoдножјето на активниот вулкан Хекла на југот на Исланд, во две мали монтажни викендици можете да уживате во спектакуларниот поглед на северната светлина и ѕвездено небо.

Браќата Andreas и Jaak Tiik од Естонија со својата фирма ÖÖD Homes, извеле проект на две мали несекојдневни викендици на Исланд. Викендиците со површина од 18 квадратни метри имаат неопходна содржина за краткотраен боравок.

Предниот дел, кој е наненет за спиење, речиси во потполност е изведен од стакло за да можат гостите да уживаат во ѕвезденото небо и Северната светлина (aurora borealis), додека задниот дел во кој се сметени дневниот боравок, кујната и бањата обложен е со дрво.

„ÖÖD Iceland е куќа од стакло, која овозможува набљудување на ѕвездите од вашиот дом и кревет на потполно ново ниво“, истакнува Andreas Tiik.

„ÖÖD Iceland проектирани се во склад со околниот пејзаж. Стаклото е во совршен склад со исландската природа и пропушта, што е можно повеќе од нејзината убавина во својата внатрешност“, додава  Tiik.

Како и сите други ÖÖD објекти и овие две викендици, направени се во фабрички услови, а потоа се испорачани на локацијата и инсталирани за еден ден.

Ентериерот на викендицата е инспириран од културата на Викинзите и нордијската митологија, што е изразено преку рустичниот дизајн на креветот и викиншкиот симбол на месечина на кровот.

Еден од најголемите предизвици бил да се сместат сите потребни функции во малиот простор. Така креветот добил големи фиоки за одлагање на работите, пишува Dwell. Во викендицата нема скриени простори, се е изложено и просторот делува како мал дом, а не како единица за складирање, што и била идејата на архитектите.

Предизвикот со кој се соочиле поради значително количетсво транспарентно стакло, се однесува на на контролата на светлината во летните месеци, кога воопшто не паѓа мрак. Во текот на овој период од годината, гостите можат да навлечат дебели завеси кои се под нагиб и така да се заштитат од светлината и обезбедат приватност.

„Гостите во  ÖÖD Iceland импресионирани се од природата во која можете да уживате од удобност на дом“, вели Tiik.