Вештачка интелигенција може да проектира ентериер врз основа на фотографија

Ако мислевте дека Pinterest направи сите ентериери да изгледаат како јајце на јајце, што ли ќе помислите за оваа бесплатна алатка?

Неодамна лансираниот Interior AI е нова платформа која им помага на корисниците не само да добијат идеи за ентериер, туку и да генерираат нови функции за своите внатрешни простори.

Работата е многу едноставна. Внесете примерок од фотографијата од ентериер, без разлика дали станува збор за слика пронајдена на Интернет или фотографија што сте ја направиле сами, и AI сам ќе генерира нов рендер на ентериерот.

Потоа можете да ја модификувате сликата за да одговара на еден од 16-те однапред избрани стилови – почнувајќи од минималистички, сецесија или биофилен до барок или сајберпанк. Сепак, одредени стилови се само за PRO корисници.

Платформата исто така им овозможува на корисниците да ја изберат и функцијата на просторијата, па така од примерок на фотографија од дневна соба можете да добиете идеја за уредување на кујна, канцеларија, тераса или теретана, создавајќи така целосно нов внатрешен дизајн.

На ова може да се гледа како на чекор напред во споредба со другите платформи, бидејќи оваа технологија ќе им помогне на корисниците да добијат нови идеи и инспирации.

Ако платформите како што е Pinterest им овозможуваат на луѓето да откријат нови идеи што можат да се имплементираат во нивните домови, технологиите како што се AI генератори на слики, би можеле да го премостат јазот и да ги визуелизираат интервенциите во реален простор.

Други системи, како апликацијата Ikea Place, користат технологии за проширена реалност. Ова подразбира користење на камера на паметен телефон и леерирање на 3Д слика за да се претстави како објектот би изгледал во просторот.

Професионалците во оваа област, како што се архитектите и дизајнерите на ентериер, гледаат на ваквите технолошки иновации со одредена доза на несогласување.

Други професионалци ги гледаат овие иновации како напредок во алатките што дизајнерите можат да ги користат за да ги унапредат процесите и да ги прошират своите извори на инспирација.

Главните задачи што ги извршуваат архитектите или дизајнерите на ентериер не се само наоѓање нови идеи, туку и разбирање на просторот што го проектираат, неговите ограничувања и можности.

Тоа подразбира избор на најдоброто решение кое одговара на комплекниот збир на објективни и субјективни критериуми.

Веб-страницата Interior AI развиена е од независниот претприемач @levelsio, кој исто така ja дизајнираше This Houe Does Not Exist, друга платформа која им овозможува на корисниците да генерираат слики од домови со модерна архитектура.

Сајтот, исто така, им овозможува на корисниците да гласаат за најдобро генерираните слики или да гледаат слични куќи со кликнување на клучни зборови прикажани на дното на фотографијата.