Верица Ковачевска ќе излага во Белград

Вечерва во Белград, во Галеријата Ремонт се отвора изложбата “From Diaspora to Diversities”. На изложбата ќе бидат претставени делата на уметниците, Верица Ковачевска, diStruktura, Мирко Николиќ и Рајко Радовановиќ. Куратор на изложбата е Мирослав Канц.

Изложбата отвора прашања поврзани со комплексниот процес на имиграцијата, како и начинот на кој уметниците од дијаспората работат во новата или привремената средина.

Верица Ковачевска, која пред некоја година имаше изложба и во Скопје, живее и твори во Шајцарија. На изложбата во белград ќе учествува со делата Future Nomads (2013), Master Plan (children’s edition) (2014), i Winterthur 2041 (2014), кои обработуваат теми поврзани со градот, како гентификацијата, улогата на децата во урбанистичкото планирање на градот и одржливост во идниот развој на градот.

Проектот “From Diaspora to Diversities” е реализиран во соработка меѓу галеријата Ремонт(Белград), Европски културен центар  Esperanca (Скопје), Kunst Ost (Грац) и Институтот за современа уметност од Загреб.

Изложбата ќе биде отворена до 23 септември.