Велика Британија ги фаворизира реверзибилните хидроцентрали

Британската енергетска компанија Scottish power, планира да ја удвои инсталираната моќност во реверзибилни хидроцентрали, со оглед на растот на ветерните централи приклучени на мрежа. Во таа насока, компанијата ќе додаде 400 MW кај постоечката хидроцентрала „Cruachan“ со изградба на уште една брана. Во текот на ноќта кога електричната енергија е евтина водата ќе се пумпа кон акумулацијата, а во текот на денот  ќе се произведува електрична енергија.

Но, од компанијата велат дека инвестицијата од 300 до 400 милиони фунти е преголем товар за нив, па бараат гарантирана цена по произведен kWh од државата. За возврат, ветуваат дека ќе го одржуваат профитот во минимални и разумни граници.

Со оглед на фактот што државата има потешкотии во балансирањето на капацитетите од обновливи извори на енергија, постојат сериозни шанси овој проект да се реализира. „Cruachan“ е втора по големина реверзибилна хидроцентрала во земјата, која сега се користи за „пеглање“ на врвната потрошувачка, бидејќи е исклучително флексибилна во погонот и може да биде синхронизирана на мрежа за помалу од една минута.