Уште една банкнота посветена на човековите права, но и на архитектурата

Банката на Канада неодамна ја претстави новата банкнота од 10 долари, со ликот на Виола Дезмонд, жената која во 1946 година се спротивставила на расната сеграгација, одбивајќи да го напушти местото во театарот резервирано за белци. За да се зајакне уште повеќе оваа порака за човекови права, на опачината од истата банкнота претставен е објектот на Канадскиот музеј за човекови права, дело на Антуан Предок, кој бил комплетиран во 2014 година. Според архитектот Предок, овој објект ја прави видлива базичната поврзаност на човештвото. „Нашите банкноти се дизајнирани не само со цел да бидат безбедни и долго да траат, туку и како уметнички дела кои ќе ја раскажуваат приказната на Канада“ изјавил гувернерот на Банката на Канада.