Уникатна грчка резиденција

Ако сте љубител на одмор во целосна изолација, без прекумерна бучава, оваа резиденција сигурно ќе ви се допадне. Ова е проект на познатото грчко архитектонско студио 314, кое секогаш изненадува со некои нови и интересни концепти. Сопствениците на објектот сакале да ја преуредат старата куќа, која се наоѓа на зафрлени карпи на грчкото крајбрежје, а крајниот резултат е навистина импресивен. Бидејќи се наоѓа на осамено место, оваа куќа би можела лесно да се помеша со некаков светилник, но веднаш се забележа нејзиниот дизајнерски потпис.

Погледот, кој се протега од резиденцијата е навистина тешко да се опише со зборови, и на многумина веројатно тој самиот би бил доволен за вистински одмор.

Архитектите и сопствениците одлучиле целата приказна да ја подигнат на едно ново ниво, а со тоа создале современа резиденција на која никој не може да остане рамнодушен. Се карактеризира со изобилство на бела боја, уникатен минималистички дизајн и суптилни детали.