Уметнички претстави што исчезнуваат

Сајмон Бек е уметник и тоа од посебен тип. Најпознат е по неговите деликатни дела, што ги прави по снегот, движејќи се по свежо паднатиот снег со посебни чевли.
Бек препешачува буквално километри за да ги создадава своите фасцинантни претстави, кои можете да ги видите на фотографиите. За нивна реализација, тој е подготвен со внимателно и претпазливо пешачење да помине бројни часови на секоја од нив, иако е свесен дека веќе за еден или два часа, или наредниот ден неговото дело ќе биде прекриено со нов снежен нанос или ќе го разнесе зимскиот ветер. Фактот што делата на Сајмон Бек се секогаш привремени, целата состојба ја прави по малку тажна.

Овие убави шеми што ги гледате на фотографиите се направени во Франција, во подножјето на Мон Блан. Тие претставуваат големи геометриски форми кои секогаш имаат поинаква приказна кога се гледаат од различни агли.

За многумина, целиот концепт на Бек е за неверување, бидејќи ретко кој би инвестирал часови во креирањето на своите уметнички претстави, само за да гледа како исчезнуваат можеби веќе следниот ден.