Порта3 – градежништво, архитектура и екологија Порта3 – градежништво, архитектура и екологија
Минситерот за индустрија и технологија на Турција, Мустафа Варанк, изјави за медиумите дека Турција формирала привремена научна база на Антарктикот, со што се вбројува меѓу земјите кои можат да одлучуваат за иднината на “Белиот континент“. Тој додал дека во моментот третата по ред турска научна мисија на Антарктикот, работи во привремената научна база која во иднина треба да прерасне во постојана база.
Со меѓународната антарктичка спогодба од 1959 година, со овој континент управуваат Научниот совет за арктички истражувања – SCAR, и Советот на менаџери на националните антарктички програми – COMNAP. Турција е потписничка на Антарктичката спогодба, но без своја научна база имаше само статус на набљудувач на континетот кој е предмет на сериозен научен интерес. Со отворањето на своја научна база, Турција ќе стане дел од меѓународното тело кое одлучува за Антарктик.
