Порта3 – градежништво, архитектура и екологија Порта3 – градежништво, архитектура и екологија
Денес, во рамките на Саемот на градежништво 2017, со почеток во 15 часот, а во организација на Асоцијацијата на архитекти на Македонија и Скопски саем, ќе се одржи ТРИБИНА на тема „Вредноста на македонската архитектура денес“.
На трибината ќе се разговара за вреднувањето на професијата архитект во Македонија, цените на проектирање по кои работат архитектите и нивото на квалитет при имплементација на проектите во градба.
Настанот ќе се случи во Дипломатик сала/Скопски саем/Управна зграда Кат1.
Со свои дискусии на трибината ќе учествуваат архитектите Мартин Пановски (ААМ/Радиус архитекти), Маја Хаџи Јорданова (Јорд), Бујар Муча (Мегарон инженеринг), Стојан Павлески (Стоун дизајн) и Никола Велковски од Комора на овластени архитекти и овластени инженери.
Модератор на трибината ќе биде Марта Илиевска (ААМ/Формика плус).
