Три земји од ЕУ веќе ги остварија целите за обновливи извори на енергија

Три земји членки на Европската Унија веќе ги исполнија зададените цели за застапеноста на обновливите извори на енергија до 2020 година. Овие информации се објавени на веб страницата на Eurostat. Се работи за Бугарија, Естонија и Шведска. На Литванија, Романија и Италија им недостасуваат уште само 0,5% до зададената цел за 2020-та.

Земјите членки на ЕУ  учествуваат со 11% во глобалната емисија на стакленички гасови. Севкупно анализирано во 2014-та, ЕУ обезбедувала 15% од своите енергетски потреби преку обновливи извори, што е за половина повеќе во однос на 2004-та од кога започнува статистичкото следење на ниво на ЕУ. Најголем удел на обновливи енергетски извори во енергетскиот микс има Шведска, а најмал Луксембург.