Трансформации на јавниот простор заробен од сообраќај

Бразилскиот урбанистички колектив наречен Urb-i (скратено од Urban Ideas) е основан 2015. година од четворица млади Yuval Fogelson, Carolina Guido, Fernanda Mercеs и Rodolfo Macedo.
Urb-i прикажуваат примери на јавни простори што им се пријателски настроени на луѓето со инспиративна галерија на слики од Google Street View, откривајќи ги најзачудувачките трансформации низ светот на места каде исчезнуваат сообраќајните ленти, возила, паркинзи и се трансформираат во јавни пешачки површини.
Според нив, ние сме општество кое е „зависник од автомобили“, а луѓето кои одат пеш се ставени во карантин на мали и одвај проодни тротоари. Сообраќајните ленти и паркирањето имаат предност над зелените, јавните и пешачки површини, а сметаат дека секоја промена, голема или мала, ја прави разликата во позитивна насока на функционирањето и животот на граѓаните.