Топол стан со бетонски елементи

Бетонот како материјал најчесто има груби рабови. Кога станува збор за бетонот, на памет ни паѓаат бетонските фасади на зградите, бетонските рабови на улиците и слично. Но, во поново време се повеќе и повеќе почнува натур бетонот да се употребува и во енериерите, најчесто во оние кои се дизајнирани во индустриски дизајн.

Ова е апартман во кој бетонот нема носива улуга, туку, тука е поставен за да создаде шик, градски и изглед на недовршеност на површините.

Овој простор кој се развива на две нивоа е поранешен индустриски простор кој сега е претворен во извонредно топол стан.

Како контраст на бетонскиот под, во овој ентериер е користено темно-кафеното масивно дрво. Белите тули и видливите дрвени греди од меѓукатната конструкција му даваат на овој индустриски простор една пријатна, домашна атмосфера.

Како централен елемент во дневниот простор се јавува голем камин кој дава посебен шмек на топлата атмосфера. Телевизорот е изоставен па затоа е поставено платно на кое се проектираат филмови со видео бим.