Том Круз го стави на продажба својот имот во Telluride

Овој имот во сопственост на славниот холивудски актер Том Круз, се наоѓа во близина на популарниот ски-центар во Telluride, Колорадо, и се протега на 298 хектари. Имотот вклучува приватна порта која води во националната шума Uncompahgre. Главната куќа на имот била завршена во 1994 година, а дизајнирана е како автентична дрвена градба, и направена од камен и кедар. Во нејзините рамки постојат и модерни удобности како сала за вежбање, соби за рекреација и библиотека.

Оваа куќа со површина од околу 1.000 m2 се состои од четири спални соби и шест бањи. Веднаш до неа има малку помала гостинска куќа со три спални соби и шест бањи.
Актерот го продава овој приватен имот, бидејќи не го посетувал во текот на изминатите неколку години, а цената што овој имот ја бара е 59 милиони долари.