„Тесла“: До 100 километри на час, за 1,1 секунда

Илон Маск најавува дека новиот модел на возилото Tesla Roadster, кој вклучува и опрема развивана во компанијата Space X за ракетен погон, ќе може да достигне брзина од 100 километри на час за само 1,1 секунда.  Извршниот директор на „Тесла“, на Твитер објавил дека оваа надградба на возилото ќе биде „моќна но и безбедна“. Меѓутоа, со толку голема моќ доаѓа и предупредување дека овој систем „веројатно не е мудар избор за оние кои имаат одредени здравствени проблеми“, појаснува Маск во својот твит.  Тој тврди дека новиот моќен погон ќе ги подобри сите перформанси на возилото, а корисниците ќе имаат впечаток како да „летаат“.