Порта3 – градежништво, архитектура и екологија Порта3 – градежништво, архитектура и екологија
La Nave е повеќенаменски павилјон во Росарио, Аргентина, лоциран на имот со повеќе од седум хектари површина што му припаѓа на RJG Group, компанија поврзана со градежни работи, архитектура и развој на земјоделие, во градот Перез.
Архитектот Pablo Gagliardo проектирал компактен објект сместен во срцето на мала шума околу езеро, барајќи минимална интервенција на местото. Огледален волумен излегува од вегетацијата за да се вклопи во дрвјата. Конструкцијата е присутна, но се обидува да исчезне рефлектирајќи го пејзажот околу неа и реплицирајќи ги годишните времиња и протокот на времето.
Тенка армирано бетонска плоча лебди над огледалната кутија и го штити волуменот, за возврат создавајќи проширен, отворен, наткриен простор што ја удвојува површината за употреба.
Кога ќе се отворат прозорците на затворениот волумен, внатрешноста, која за разлика од студенилото на огледалата, целосно е обложена со дрво, со целата своја должина се поврзува со наткриениот дел, формирајќи единствен голем простор.
