Takahama Cafe на Кенго Кума, место за поглед на градскиот брег

Дрво и бетон се спојуваат во хармонија за новото место за набљудување и кафуле со поглед на дините на јапонскиот град Тотори.

Kengo Kuma and Associates го проектирале двокатното Takahama Cafe кое драматично се издигнува, овозможувајќи им на посетителите совршено место за поглед на ридестиот градски брег – клучна атракција за туристите во регионот.

Објектот е изграден од ламелирано дрво (CLT), кое ги нагласува долгите линии на косиот кров и ги одразува песочните тонови и текстурите на блиските дини. Ова овозможува Takahama Cafe да се истакнува среде асфалтот на соседните патишта и паркинзи.

Кума ја искористил репутацијата на Тотори за локална изработка и занаетчиство за ентериерот на кафулето, поставувајќи лесни лустери направени од Washi хартија попрскана со песок и застаклени мијалници направени од локалната работилница за керамика. Разновидноста на дрвото е видлива и внатре, каде што се користи за изработка на седење, како и за брановиден шанк.

Посетителите стигнуваат до горната тераса, преку армирано-бетонски скали поставени долж фасадата, а горниот кат на девет метри над теренот е исполнет со дрвени клупи со поглед на брегот.