Светот ја пропушти можноста за зелено закрепнување по пандемијата

Бројни економски аналитичари и еколошки активисти оптимистички веруваа во последните години дека ерата по пандемијата нуди огромна можност за глобално зелено економско закрепнување. Се испостави дека светот ја пропуштил таа можност, откри тим истражувачи од Универзитетот Џон Хопкинс. Резултатите од нивната студија беа објавени во научното списание Nature.

Владите на 19-те најголеми светски економски сили и на Европската унија (Г20) инвестираа 14 трилиони американски долари од почетокот на пандемијата до крајот на 2021 година за да ја избегнат рецесијата. Најголем дел од сумата оправдано се издвојува за зајакнување на здравствените системи, заработката и благосостојбата. Климатските активности главно останаа на ниво на празни ветувања.

Само шест отсто од парите, околу 860 милијарди, отидоа за проекти за намалување на емисиите на стакленички гасови, како што се обновливи извори на енергија, електрични возила, инфраструктура и енергетски ефикасни домови и канцеларии. Финансирањето за вакви проекти е намалено од пост-светската економска криза, кога декарбонизацијата сочинуваше 16 отсто од пакетите за економски стимулации по 2009 година.

Огромен дел од постпандемиските инвестиции воопшто не се поврзани со климата, но најзагрижувачки е фактот што три отсто од средствата се наменети за проекти кои би можеле да резултираат со зголемени емисии на стакленички гасови.

Економскиот раст често е приоритет за владите пред заштитата на климата. Сеопфатната криза, предизвикана од коронавирусот, сепак им овозможи да ги спојат овие две цели, што не се случи.

“Пакетите за економско закрепнување им дозволија на земјите, вклучително и Соединетите Американски Држави, навистина да ја замислат иднината на своите економии“, рече коавторот на студијата Скот Милер. “Пандемијата требаше да биде можност земјите да се движат кон зелена економија, а многу влади не ја искористија, додава тој.

Најмногу пари за зелени проекти издвојуваат Јужна Кореја и Европската Унија, по 30 отсто. Бразил, Германија и Италија исто така се рангирани добро со околу 20 отсто. Интересно е што на полето на финансирањето на климатските акции, земјите од кои се очекува да ја предводат зелената транзиција заостануваат особено поради нивниот голем историски удел во проблемот, САД, Обединетото Кралство, Јапонија и Русија издвојуваат само пет отсто за одржливи цели.

Човештвото моментално потфрла на полето на борбата против климатските промени и не инвестира доволно во постигнување на јаглеродна неутралност до 2050 година. Потребни се дополнителни седум трилиони долари за да се постигне оваа цел меѓу 2020 и 2024 година. А дека дефинитивно не треба да се предомислуваме за финансирањето на климатските акции покажуваат податоците од вториот дел од Шестиот извештај на IPCC, кој детално го прикажува мрачното утре на Земјата, кое се загреа над безбедниот праг од 1,5 °C.