Светилки и саксии инспирирани од згради од времето на СССР

Архитектурата од социјалистичката ера е отелотворена во форма на функционални производи, за чија изработка се користени бетон, иверица и LED светилки.

Иако советската архитектура кај некого предизвикува згрозување, а други и се восхитуваат, едно е сигурно – овие форми и идеи се секако многу впечатливи.

Другари и другарки, ви претставуваме нешто сосема различно – светилки и саксии од бетон и иверица инспирирани од градбите од времето на Сојузот на Советските Социјалистички Републики (СССР).

Како инспирација за своите најнови дизајнерски предмети за домаќинството, уметникот од Санкт Петербург, Никита Анохин, избрал индустриска, модернистичка архитектура, која можеше да се види во поголемиот дел од Русија за време на советската ера.

Светлина која доаѓа од становите

Така, на пример, ноќната светилка Брежњевка инспирирана е од истоимениот станбен комплекс, именуван по поранешниот советски лидер, за чие производство Никита користел бетон и иверица.

Во форма на повеќекатен објект, карактеристичен по неправилна шема на организација на балкони и високи правоаголни прозорци во низа, светилката дава светлина токму низ овие отвори.

Секој од отворите содржи ситни LED светилки во боја кои осветлуваат поединечни станови, а во кои се гледаат минијатурни детали како завеси, парчиња мебел и човечки фигури.

Од друга страна, саксиите се целосно изработени од бетон, а се инспирирани од градбите познати како Хрушчовки и објектите со кружна основа во московскта улицата Нижинскаја.

Цената на една светилка е околу 120 евра, но побарувачката е голема, па треба да се чека на испорака.