Суецки канал: Критикуван како штетен и прескап, денес со приход од 6 милијарди УСД годишно

Суецкиот канал, во буџетската 2017-2018 има регистрирано најголем досега приход во својата историја, кој изнесува 5,6 милијарди УСД. Приходите се повисоки за 600 милиони долари споредено со претходниот пресметковен период 2016-2017, додека минувањето на бродовите низ каналот е во пораст за 4,9%. Претседателот на компанијата која стопанисува со Суецкиот канал истакнал за медиумите дека добрите деловни резултати се добиени благодарение на новото проширување на Суецкиот канал и трговската политика. Проширениот канал е отворен со голема помпа во летото 2015 како еден од водечките проекти на египетскиот претседател. Проектот е изведен со намера да ја зајакне економијата во оваа стратешка област, но бил критикуван како прескап и штетен за локалното население.